ՎՍՀ-ում ՀՀ դեսպան Վահրամ Կաժոյանը մասնակցեց Վիետնամի ամենամյա 30-րդ միջազգային ցուցահանդես-տոնավաճառի (VIETNAM EXPO 2021) բացման հանդիսավոր արարողությունը:

14 ապրիլի, 2021

Ս.թ. ապրիլի 14-ին Հանոյի միջազգային ցուցահանդեսների կենտրոնում տեղի ունեցավ Վիետնամի ամենամյա 30-րդ միջազգային ցուցահանդես-տոնավաճառի (VIETNAM EXPO 2021) բացման հանդիսավոր արարողությունը «քայլենք դեպի թվայնացված աշխարհը» («Step Together in Digitized World») խորագրով: ԷՔՍՊՕ-ն կազմակերպվել էր ՎՍՀ արդյունաբերության և առևտրի նախարարության և վերջինիս հովանու ներքո գործող Առևտրի խթանման վարչության կողմից:

Վիետնամի ամենամյա 30-րդ միջազգային ցուցահանդես-տոնավաճառի բացման հանդիսավոր արարողությանն՝ ի թիվս Վիետնամում հավատարմագրած դիվանագիտական կորպուսի ներկայացուցիչների, միջազգային կազմակերպությունների ղեկավարների և ՎՍՀ կառավարության բարձրաստիճան ներկայացուցիչների, մասնակցում էր նաև Վիետնամում ՀՀ դեսպան Վահրամ Կաժոյանը:

Բացման խոսքով հանդես եկավ ՎՍՀ արդյունաբերության և առևտրի նախարարի տեղակալ պարոն Դո Թանգ Հայը (Do Thang Hai): Նա ներկայացրեց 2020 թ. Վիետնամի կողմից արձանագրված տնտեսական ցուցանիշները և նշեց, որ Վիետնամին հաջողվել է գրանցել տնտեսական աճ՝ չնայած COVID-19 համավարակի տարածմանը: Պարոն Դո Հայն իր բացման խոսքում նաև նշեց, որ Վիետնամի ամենամյա միջազգային ցուցահանդես-տոնավաճառը հանդիսանում է աշխարհի խոշոր ցուցահանդես-տոնավաճառներից մեկը:

Բացման խոսքից հետո բեմ հրավիրվեցին ՎՍՀ-ի բարձրաստիճան պաշտոնյաները, ովքեր և բացեցին Վիետնամի ամենամյա 30-րդ միջազգային ցուցահանդես-տոնավաճառը:

Բացման հանդիսավոր արարողությունից հետո ՎՍՀ կառավարության ներկայացուցիչների, ՎՍՀ-ում հավատարմագրված դիվանագիտական ներկայացուցչությունների ղեկավարների և դիվանագետների, ինչպես նաև միջազգային կազմակերպությունների ղեկավարների և անդամների համար կազմակերպվեց հատուկ շրջայց ամենամյա միջազգային ցուցահանդես-տոնավաճառի տաղավարներով:

Վիետնամի ամենամյա 30-րդ միջազգային ցուցահանդես-տոնավաճառի բացման հանդիսավոր արարողությանը մասնակցում էր նաև Վիետնամում ՀՀ դեսպանության երկրորդ քարտուղար Արամազդ Մուրադյանը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր